跟長老們的分歧 - 1

其實跟長老們, 尤其是我媽媽的分歧不是第一次發生.

昨晚問兩老過大禮時要準備些甚麼, 一如所料, 媽媽照舊說: '咩都唔洗, 比封利是就得', 但5分鐘後又說要蓮藕, 留來上頭時用. 唉, 我也習慣了媽媽的反覆, 只好跟她說: '你要咩即管講, 唔好而家話唔洗, 之後又話要, 我到時未必買到嫁!!'  

突然想到個實際的問題, 便問: '蓮藕可以存放多久'? 祖母在旁插咀說約 1 星期左右. 

我問: '咁點留返過大禮條蓮藕黎上頭用呀?'
媽媽: '結婚前1個星期過大禮咪得囉'!!
我不禁呆了, 問: '咁我邊有時間派帖呀?'
(靜了約10秒)
媽媽: '係喎. 等我返公司問下同事先......'
我堅持說: '我打算結婚前個半月過大禮, 大人朋友多, 要時間派帖!!'

結婚前1個星期過大禮? 真的聞所未聞.

讓媽媽去問那些三姑六婆吧!! 反正她相信三姑六婆多於我們......

其後媽媽又說上星期她同事嫁女, 晚宴期間玩抽獎遊戲, 其中一名同事抽中了惠康$100現金券, 高興得不得了! 又說上年某鄰居娶新抱, 晚宴時請了個好會說笑司儀, 又帶領玩遊戲, 氣氛好得不得了!!

最討厭跟別人比較, 別人這樣做不代表我也要跟著做呀!! 

我直接了當地說: '我不會花錢請0個d佢唔識我我唔識佢既司儀, 只會請我倆的朋友擔任. 結婚0個晚唔會有任何遊戲抽獎, 結婚就結婚, 而家唔係超級無敵奬門人呀!'

事後回想, 我是否應說得婉轉點呢? 但不直接說的話又怕媽媽對我結婚當晚的安排心存 '幻想', 還是及早拒絕好一點.

總之, 我只要我倆的好友當司儀, 當晚做點簡單的過場便可.

我不要我的婚禮變成綜藝節目或者公司週年晚宴呀!!!